O seu papel nos ecosistemas
Os morcegos cumpren uns servizos ecosistémicos, é dicir, achegan grandes beneficios aos seres humanos como son a regulación da poboación de insectos (entre eles moitas especies praga) ou son excelentes bioindicadores de diferentes tipos de ecosistemas (responden rapidamente aos cambios no ambiente).
Desta maneira, o índice QUIRORIUS permítenos coñecer o estado ecolóxico dos bosques de ribeira a partir da actividade dos morcegos acuáticos. No caso de Galicia, o único morcego acuático presente nestas terras é o morcego das riberias (Myotis daubentonii).
Grandes mitos ... todo mentira
Hai que evitar, custe o que custe, que o desalentador futuro ao que se dirixen estes mamíferos se faga realidade. E podemos comezar por desmitificar todo o mundo que os rodea e provoca que a xente lles teña medo ou os rexeite:
- Comen o millo gardado nos hórreos.
- Enrédanse no pelo longo.
- Son todos vampiros.
- Son agresivos e daniños.
- Todos os morcegos transmiten a rabia.
- Son ratos vellos con ás.